Испаниянинг «Барселона» клуби Мадриднинг «Атлетико» жамоаси аргентиналик ҳужумчиси Хулиан Альварес билан шартнома тузишнинг имкони бўлмаса, ҳужум чизиғини кучайтиришнинг муқобил вариантларини кўриб чиқмоқда. Бу ҳақда TEAMtalk хабар бермоқда.
Манбаларнинг таъкидлашича, ҳозирда «кўк-анорранглилар»да иккита муқобил номзод бор. Булар — Душан Влахович ва Дарвин Нуньес.
26 ёшли сербиялик форвард «Ювентус»дан кетганидан сўнг ҳозирда эркин агент мақомида турибди. 27 ёшли уругвайлик эса ўзига ишонч билдирилмаётган «Ал-Ҳилол»ни тарк этишни режалаштирмоқда.
