Манбаларга кўра, Мадриднинг «Реал» клуби Франция терма жамоаси ярим ҳимоячиси Майкл Олисе билан шартнома имзоламоқчи. Бироқ «қаймоқранглилар» мюнхенликлар билан муносабатларни бузишни исташмаяпти.

Шу сабабли, «Бавария»га футболчининг трансфери бўйича расмий таклиф фақат Олисенинг ўзи Мюнхен клубига Мадридга ўтмоқчи эканини маълум қилган тақдирдагина юборилади. Манбаларнинг таъкидлашича, бу амалга ошмагунча, «Реал» сояда қолишни режалаштирмоқда.

Майкл Олисе «Бавария»га «Кристал Пэлас»дан ўтган эди. Ўтган мавсумда французлар вакили Бундеслигада 32 та ўйин ўтказиб, 15 та гол урди ва 19 та голли узатмани амалга оширди.