Bir necha yildirki, Xoqon Chalxanoglu Milanda istiqomat qiladi, avvaliga u "Milan"da o‘ynagan, endi esa "Inter" sharafini himoya qilyapti. Uning so‘zlariga ko‘ra, Milan yashash uchun juda yaxshi shahar.
"Menga bu shahar juda yoqadi, italyanlarni ham yaxshi ko‘raman. Men ular bilan biz turklar o‘rtasida juda ko‘p umumiylik ko‘raman. Qizig‘i shundaki, Italiyadagi haqiqiy do‘stlarimning deyarli barchasi janubiy viloyatlardan, neapolliklar, sisiliyaliklar, kalabriyaliklardir. Ishonch bilan ayta olamanki, Milan haqiqatan ham mening ikkinchi uyimga aylandi", - deb Chalxanoglu so‘zlarini keltirmoqda pianetamilan.it.
