"Napoli"ning chap qanot himoyachisi Mario Ruy tez orada erkin agentga aylanadi.
33 yoshli futbolchi joriy mavsumda Antonio Konte jamoasida birorta ham o‘yin o‘tkazmadi. Nufuzli insayder Matteo Morettoning ma’lum qilishicha, "Napoli" yaqin kunlarda portugaliyalik futbolchi bilan shartnomani bekor qilishni rejalashtirmoqda. Futbolchi qishki transfer oynasi ochilishi arafasida shartnomasidan ozod qilinadi.
Mario Rui 2018 yil boshida "Napoli"ga ko‘chib o‘tgandi, u avvalroq klubda ijara asosida o‘ynagan. Himoyachi neapolliklar safida barcha turnirlarda 227 ta o‘yin o‘tkazib, 3 ta gol urdi va 26 ta golli uzatmani amalga oshirdi.
