Andreas Kristensenga Angliya va Italiyada talab bor.
«Mundo Deportivo» nashrining yozishicha, "Manchester Yunayted" va ayniqsa "Yuventus" himoyachiga jiddiy qiziqish bildirmoqda va uni qishki transfer oynasida o‘z safiga qo‘shib olish imkoniyatini ko‘rib chiqmoqda.
Italiyalik jurnalist Alfredo Pedullaning xabar berishicha, Turin klubi futbolchini ijaraga olishni so‘ramoqchi.
"Yuventus" bosh murabbiyi Tyago Motta yana Ronald Arauxo transferidan manfaatdor, ammo Kristensen varianti haqiqatga yaqinroq. Pedullaning so‘zlariga ko‘ra, "Barselona"ning murakkab moliyaviy ahvoli klubni yanvar oyidayoq, hatto ijara orqali ham ba’zi futbolchilar bilan xayrlashishga majbur qilishi mumkin.
28 yoshli Kristensen yaqinda jarohatidan so‘ng jamoa bilan mashg‘ulotlarga kirishgan. Daniyalik avgust oyida La Liganing birinchi turidan keyin o‘ynamagan.
