Андреас Кристенсенга Англия ва Италияда талаб бор.
«Mundo Deportivo» нашрининг ёзишича, "Манчестер Юнайтед" ва айниқса "Ювентус" ҳимоячига жиддий қизиқиш билдирмоқда ва уни қишки трансфер ойнасида ўз сафига қўшиб олиш имкониятини кўриб чиқмоқда.
Италиялик журналист Альфредо Педулланинг хабар беришича, Турин клуби футболчини ижарага олишни сўрамоқчи.
"Ювентус" бош мураббийи Тьяго Мотта яна Рональд Араухо трансферидан манфаатдор, аммо Кристенсен варианти ҳақиқатга яқинроқ. Педулланинг сўзларига кўра, "Барселона"нинг мураккаб молиявий аҳволи клубни январь ойидаёқ, ҳатто ижара орқали ҳам баъзи футболчилар билан хайрлашишга мажбур қилиши мумкин.
28 ёшли Кристенсен яқинда жароҳатидан сўнг жамоа билан машғулотларга киришган. Даниялик август ойида Ла Лиганинг биринчи туридан кейин ўйнамаган.
