Jeymi Karragerning aytishicha, Ruben Amorimda eng yaxshi murabbiyning aurasi bor. “Liverpul”ning sobiq himoyachisi portugaliyalikni Grem Potter va Erik ten Xagga qiyosladi.

"Manchester Yunayted"ning ligadagi so‘nggi olti o‘yinidagi beshta mag‘lubiyati - bu falokat. Hatto "Manchester Siti" ustidan qozonilgan so‘nggi g‘alaba ham 90 daqiqa davomida sifatli o‘yindan ko‘ra hayratlanarli yakuniy natija bo‘ldi.

Amorim ham xuddi Potterga o‘xshab ketadi degan xulosaga kelishdan oldin, Potterning "Chelsi"dagi o‘yini va "Yunayted"dagi vaziyat o‘rtasidagi asosiy farqlarni ta’kidlash kerak.

Men hech qachon inglizning "Stemford Brij"da ishlash uchun to‘g‘ri odam ekanligiga ishonchim komil emas edi. Muxlislar Joze Mourinyo, Karlo Anchelotti va Antonio Konte kabi tayyor superyulduz menejerlarni ko‘rishga o‘rganib qolgan klub madaniyatiga asoslangan bu tuyg‘u edi. Men har doim "Chelsi"ga o‘zining yorqin fe’l-atvori bilan hatto matbuotga gapirganda ham o‘z obro‘sini isbotlay oladigan eksentrik yetakchi kerak degan taassurotda bo‘lganman. Potter – bu shaxsning mutlaqo boshqa turi.

Amorimda esa top murabbiyning aurasi bor. Erik ten Xagdan farqli o‘laroq, u yuqori saviyali murabbiy qanday bo‘lishi kerak, ko‘rinishi va ovozi ega. Uni tinglab, u o‘z o‘yinchilaridan nimani xohlashini aniq bilishiga va vaqt va resurslarni hisobga olsak, u muvaffaqiyatga erishishiga ishonch hosil qilishingiz mumkin", - deydi sobiq futbolchi.