"Real" hujumchisi Kilian Mbappe o‘zining braziliyalik jamoadoshi Vinisius haqida qanday fikrda ekanligini aytdi.

"Vinining nimasi meni ko‘proq hayratda qoldiradi? Uning kamtarligi, shubhasiz. Bu futbolchini hamma biladi va har uch kunda uning qanday fazilatlari borligini hamma ko‘radi. Bu yil u ko‘plab jamoaviy unvonlar va individual sovrinlarni qo‘lga kiritdi, lekin men uning kamtarligini ta’kidlayman. U har doim kiyinish xonasida odamlar bilan yaxshi munosabatda bo‘ladi va bu menga juda yoqadi", - dedi Mbappe.

Kilian Mbappe "Real" bilan 2024 yilning yozida shartnoma imzoladi. Fransuz ispan grandi safida 23 ta o‘yin o‘tkazgan. Ularda u 13 ta gol urdi va 3 ta golli uzatmani amalga oshirdi.