Bugun Angliya Premyer-ligasining 20-turi doirasida "Manchester Siti" o‘z maydonida "Vest Xem"ni mag‘lub etdi. O‘yin 4:1 hisobida yakunlandi.

Squawka portali ma’lumotlariga ko‘ra, "Vest Xem"ga qarshi so‘nggi o‘yin Gvardiola uchun "shaharliklar" bosh murabbiyi sifatidagi 18-o‘yin bo‘ldi (gap Premyer-liga doirasidagi o‘yinlar haqida ketmoqda). Barcha uchrashuvlarda "Manchester Siti" hech qachon "bolg‘achilar"ga yutqazmagan, 16 marta g‘alaba qozongan va ikki marta durang o‘ynagan.

Manbaga ko‘ra, Gvardiola Angliya chempionatining yangi rekordini o‘rnatdi, chunki u birorta ham o‘yinda mag‘lubiyatga uchramasdan, ma’lum bir raqibga qarshi eng ko‘p o‘yin o‘tkazgan. APLning navbatdagi turida "Manchester Siti" safarda "Brentford" mehmoni bo‘ladi (14 yanvar).