"Liverpul" bosh murabbiyi Arne Slot Angliya liga kubogi 1/2 finalida "Tottenxem"ga qarshi uchrashuvdan oldingi fikrlari bilan o‘rtoqlashdi. O‘yin bugun tunda bo‘lib o‘tadi. Avvalroq “Liverpul” 2024 yil 22 dekabr kuni Angliya chempionatida “Tottenxem”ni 6:3 hisobida mag‘lub etgandi.
"Ikki jamoaning o‘ziga xosligi va o‘yin uslubi shunchalik aniqki, menimcha, ko‘pchilik yana shunday narsani ko‘rishni kutishadi. Ularning o‘ziga xosligi bor, bizda ham o‘zimizniki bor va ikkala jamoa ham bu o‘ziga xoslikni bir-biriga singdirishga harakat qilmoqda. Ikki hafta oldin mehmonda bo‘lib o‘tgan o‘yinda biz o‘z individualligimizni ko‘rsata oldik. Lekin, albatta, o‘yinda ular qanchalik yaxshi jamoa ekanligini ko‘rsatgan paytlar bo‘ldi. Bizga qarshi uchta gol urish ham yutuq. Bu o‘yinda biz oltita gol urganimizni bilaman, biroq hozircha bir nechta jamoalar bizga uchta gol urishga muvaffaq bo‘lishdi", - dedi Slot "Liverpul" rasmiy saytiga.
