"Barselona" "Manchester Yunayted" vingeri Markus Reshfordni qo‘lga kiritish uchun Yevropaning bir qator klublari bilan raqobatlashmoqchi. Bu haqda jurnalist Toni Xuanmarti ijtimoiy tarmog‘ida xabar berdi.
Manbaga ko‘ra, Kataloniya klubi ingliz futbolchisining transferini ta’minlash uchun "qo‘lidan kelgan barcha ishni" qilmoqda. "Ko‘k-anorranglilar" Reshfordni joriy mavsum oxirigacha ijaraga olmoqchi.
Reshford joriy mavsumda barcha turnirlarda 24 ta o‘yinda maydonga tushib, 7 ta gol urdi va 3 ta golli uzatmani amalga oshirdi. Futbolchining klub bilan amaldagi mehnat shartnomasi 2028 yilning yoziga qadar tuzilgan. Transfermarkt portalida berilgan ma’lumotlarga ko‘ra, futbolchining bozor qiymati 55 million yevroni tashkil qiladi.
