"Барселона" "Манчестер Юнайтед" вингери Маркус Рэшфордни қўлга киритиш учун Европанинг бир қатор клублари билан рақобатлашмоқчи. Бу ҳақда журналист Тони Хуанмарти ижтимоий тармоғида хабар берди.
Манбага кўра, Каталония клуби инглиз футболчисининг трансферини таъминлаш учун "қўлидан келган барча ишни" қилмоқда. "Кўк-анорранглилар" Рэшфордни жорий мавсум охиригача ижарага олмоқчи.
Рэшфорд жорий мавсумда барча турнирларда 24 та ўйинда майдонга тушиб, 7 та гол урди ва 3 та голли узатмани амалга оширди. Футболчининг клуб билан амалдаги меҳнат шартномаси 2028 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 55 миллион еврони ташкил қилади.
