Luish Figu Fransisko Franko xotirasiga bag‘ishlangan tadbirlarni moliyalashtirishdan norozi.
“Barselona” va “Real”ning sobiq yarim himoyachisi Ispaniya hukumati Valensiya va boshqa shaharlardagi tabiiy ofatlardan jabr ko‘rganlarni qo‘llab-quvvatlash o‘rniga, 1939-1975 yillarda mamlakatni boshqargan diktator vafotining 50 yilligini nishonlash uchun pul sarflashga qaror qilganidan norozi bo‘ldi.
Onda Cero nashrining qayd etishicha, mamlakat rasmiylari ko‘rgazmalar, musiqiy va teatrlashtirilgan tomoshalar, hattoki mobil mavzuli kvest xonasi kabi yuzlab tadbirlarni rejalashtirgan. Maqsadlardan biri "jamoatchilikni suhbatga taklif qilish" va Franko rejimining Ispaniyaga ta’sirini chuqurroq tushunishga yordam berishdir.
Figu bu tashabbus haqida o‘zining ijtimoiy tarmog‘ida fikr bildirdi.
"Afsuski, Ispaniya tarixiga kirgan inson vafotining 50 yilligini nishonlash uchun sarflanadigan barcha xarajatlarni Valensiyadagi suv toshqinida jabrlanganlar uchun imkon qadar tezroq bu jahannamdan chiqib ketishga sarflanmaydi. Bugungi kunda eng katta muammo - o‘liklar emas, tiriklar" - deb yozgan portugaliyalik sobiq futbolchi.
