Луиш Фигу Франсиско Франко хотирасига бағишланган тадбирларни молиялаштиришдан норози.
“Барселона” ва “Реал”нинг собиқ ярим ҳимоячиси Испания ҳукумати Валенсия ва бошқа шаҳарлардаги табиий офатлардан жабр кўрганларни қўллаб-қувватлаш ўрнига, 1939-1975 йилларда мамлакатни бошқарган диктатор вафотининг 50 йиллигини нишонлаш учун пул сарфлашга қарор қилганидан норози бўлди.
Onda Cero нашрининг қайд этишича, мамлакат расмийлари кўргазмалар, мусиқий ва театрлаштирилган томошалар, ҳаттоки мобил мавзули квест хонаси каби юзлаб тадбирларни режалаштирган. Мақсадлардан бири "жамоатчиликни суҳбатга таклиф қилиш" ва Франко режимининг Испанияга таъсирини чуқурроқ тушунишга ёрдам беришдир.
Фигу бу ташаббус ҳақида ўзининг ижтимоий тармоғида фикр билдирди.
"Афсуски, Испания тарихига кирган инсон вафотининг 50 йиллигини нишонлаш учун сарфланадиган барча харажатларни Валенсиядаги сув тошқинида жабрланганлар учун имкон қадар тезроқ бу жаҳаннамдан чиқиб кетишга сарфланмайди. Бугунги кунда энг катта муаммо - ўликлар эмас, тириклар" - деб ёзган португалиялик собиқ футболчи.
