"Chelsi" Angliya terma jamoasi himoyachisi Mark Gexini sotib olmoqchi. Biroq 24 yoshli futbolchining “Kristal Pelas”dan transferi maosh talabi tufayli amalga oshmay qolishi mumkin.
Mark Gexi "Chelsi" akademiyasi tarbiyalanuvchisi hisoblanadi. "Pensionerlar" himoyachisini 2021 yilning yozida sotib yuborishgan. Bitim 23 million yevrodan sal ko‘proqni tashkil qildi. "Chelsi" endi futbolchini qaytarib olishga umid qilmoqda.
"Chelsi" bosh murabbiyi Enso Mareska yaqinda Mark Gexining o‘yini unga yoqqanini aytdi. Transfermarkt futbolchini 45 million yevroga baholamoqda.













