"Челси" Англия терма жамоаси ҳимоячиси Марк Гехини сотиб олмоқчи. Бироқ 24 ёшли футболчининг “Кристал Пэлас”дан трансфери маош талаби туфайли амалга ошмай қолиши мумкин.
Марк Гехи "Челси" академияси тарбияланувчиси ҳисобланади. "Пенсионерлар" ҳимоячисини 2021 йилнинг ёзида сотиб юборишган. Битим 23 миллион евродан сал кўпроқни ташкил қилди. "Челси" энди футболчини қайтариб олишга умид қилмоқда.
"Челси" бош мураббийи Энцо Мареска яқинда Марк Гехининг ўйини унга ёққанини айтди. Transfermarkt футболчини 45 миллион еврога баҳоламоқда.













