Gruziyaning Tbilisi shahri mezbonlik qilgan karate WKF bo‘yicha “Seriya A” musobaqasi o‘z nihoyasiga yetdi. Ushbu musobaqada iqtidorli sportchilarimiz ishtirok etishdi.

“Seriya A” musobaqasida sportchilarimiz 1 ta oltin va 2 ta kumush medallarga ega chiqishdi. Bonu Egamberdiyeva oltin, Sevinch Rahimova va Shuhratbek Namozov kumush medalni qo‘lga kiritdi.

Ma’lumot uchun, bu “Seriya A” dagi eng yaxshi natijamizdir. Shuningdek, har bir atletimiz jahon reyting ballarini qo‘lga kiritdi. Bir qator sportchilarimiz “Premyer liga” ga o‘tishga muyassar bo‘ldi.