Yangi mavsum uchun har tomonlama puxta tayyorlanish borasida qishki tayyorgarlik rejasi ishlab chiqilgan bo‘lib, uning birinchi bosqichi 5-17 yanvar kunlari Tojikiston yig‘ini doirasida o‘z ichiga olgan. Shunga binoan "Burgutlar" aynan mazkur sanalar mobaynida u yerda tayyorgarlikning dastlabki bosqichini muvaffaqiyatli olib bordilar.

Aleksandr Xomyakov boshchiligidagi murabbiylar shtabi tomonidan futbolchilarning jismoniy holati, texnik va taktik uslublarini yanada yaxshilash ustida ish olib bordilar.

Endilikda "Andijon" jamoasining Tojikistondagi yig‘ini nihoyasiga yetdi va futbolchilarga uch kunlik  dam berildi.

20 yanvar kuni esa jamoa a’zolari Toshkentda to‘planishadi va O‘zbekiston olimpiya qo‘mitasi qoshidagi Respublika sport tibbiyoti ilmiy-amaliy markazida tibbiy ko‘rikdan o‘tadilar.

22 yanvardan qishki yig‘inning ikkinchi bosqichi boshlanadi. Shu kuni jamoa o‘quv-mashg‘ulot o‘tkazish maqsadida Turkiyaning Antalya shahriga jo‘nab ketadi. U yerda futbolchilar 35 kun (22 yanvar - 26 fevral) mobaynida shug‘ullanishadi va Antalyadagi tayyorgarlik ham ikki bosqichda o‘tkaziladi. Shuningdek, 9 ta nazorat o‘yinlarida maydonga tushishi ko‘zda tutilgan.