Янги мавсум учун ҳар томонлама пухта тайёрланиш борасида қишки тайёргарлик режаси ишлаб чиқилган бўлиб, унинг биринчи босқичи 5-17 январь кунлари Тожикистон йиғини доирасида ўз ичига олган. Шунга биноан "Бургутлар" айнан мазкур саналар мобайнида у ерда тайёргарликнинг дастлабки босқичини муваффақиятли олиб бордилар.

Александр Хомяков бошчилигидаги мураббийлар штаби томонидан футболчиларнинг жисмоний ҳолати, техник ва тактик услубларини янада яхшилаш устида иш олиб бордилар.

Эндиликда "Андижон" жамоасининг Тожикистондаги йиғини ниҳоясига етди ва футболчиларга уч кунлик  дам берилди.

20 январь куни эса жамоа аъзолари Тошкентда тўпланишади ва Ўзбекистон олимпия қўмитаси қошидаги Республика спорт тиббиёти илмий-амалий марказида тиббий кўрикдан ўтадилар.

22 январдан қишки йиғиннинг иккинчи босқичи бошланади. Шу куни жамоа ўқув-машғулот ўтказиш мақсадида Туркиянинг Анталья шаҳрига жўнаб кетади. У ерда футболчилар 35 кун (22 январь - 26 феврал) мобайнида шуғулланишади ва Антальядаги тайёргарлик ҳам икки босқичда ўтказилади. Шунингдек, 9 та назорат ўйинларида майдонга тушиши кўзда тутилган.