Urugvaylik himoyachi Ronald Arauxoning "Barselona" bilan yangi mehnat shartnomasi qaysi yilgacha hisoblab chiqilishi ma’lum bo‘ldi.

Mundo Deportivo xabariga ko‘ra, Kataloniya klubi 25 yoshli Arauxo bilan shartnomani 2030 yilgacha uzaytiradi.

Qayd etilishicha, himoyachining maoshi oshiriladi. Manbaning xabariga ko‘ra, urugvaylik futbolchi hali ham kelajakda "Barselona"ni tark etishi mumkin, chunki uning shartnomasida hamkorlikni to‘xtatish bo‘yicha maxsus band bo‘ladi.

Bundan tashqari, agar Arauxo ma’lum miqdordagi o‘yinlarda maydonga tushmasa, uning shartnomasidagi tovon puli tushiriladi, deya ta’kidladi manba.