"Manchester Yunayted" bosh murabbiyi Ruben Amorim jamoaning yomon natijalari haqida fikr bildirdi.
“Men futbolchilardan javobgarlikni olib tashlamayman. Aytmoqchimanki, 10 ta o‘yindan 7 tasida mag‘lub bo‘lgan “Manchester Yunayted” jamoasini topish uchun juda ko‘p harakat qilish kerak.
O‘sha futbolchilar yangi murabbiy bilan yomonroq o‘ynay boshlashdi. Hozir meni eng ko‘p tashvishlantirayotgan narsa shu. To‘pga ega bo‘lganimizda juda asabiymiz. To‘g‘ridan-to‘g‘ri aytyapman: biz juda yomon o‘ynayapmiz, natijalarimiz dahshatli. Buning uchun eng katta mas’uliyatni o‘z zimmamga olaman, chunki men murabbiyman", dedi Amorim jurnalistlarga.
23 yanvar, payshanba kuni “Manchester Yunayted” Yevropa Ligasi doirasida “Reynjers”ga qarshi o‘ynaydi.
