"Chelsi" bosh murabbiyi Enso Mareska avvalroq Pep Gvardiolaning murabbiylar shtabida ishlagan "Manchester Siti" haqida o‘z fikrlarini bildirib o‘tdi.

"Mening Gvardiola va "Manchester Siti" bilan munosabatlarim juda yaxshi. Men klub bilan yaxshi munosabatda ekanligimni va ular menga bildirgan ishonchlari uchun doimo minnatdor bo‘lishimni ko‘p marta aytganman. "Manchester Siti"ning bu mavsumdagi natijalari? Bu normal holat, bu hammada sodir bo‘lishi mumkin. Eng hayratlanarlisi ular necha yil sovrinlarni qo‘lga kiritgani edi. Albatta, ular tez orada chempionlik uchun kurashga qaytishadi", - dedi Mareska matbuot anjumanida.

25 yanvar, shanba kuni APL doirasidagi "Manchester Siti" va "Chelsi" jamoalari o‘zaro to‘qnash kelishadi.