Felipe Melo faoliyatini yakunlaganini e’lon qildi.

"Bugun men hayotimning eng muhim boblaridan birini yakunlayapman: futbolchilik faoliyatimni. Bu ajoyib yillar, janglar va yutuqlarga to‘la, lekin eng muhimi, men har bir qadamda Xudoning rejasi amalga oshayotganini ko‘rgan yillar edi.

Men boshdan kechirgan hamma narsa, har bir lahza Xudoning qo‘li bilan boshqariladi va men sevgan ishimni qilish sharafidan cheksiz minnatdorman" - dedi 41 yoshli braziliyalik.

Meloning so‘nggi klubi "Fluminense" bo‘lib, u bilan 2023 yilda Libertadores kubogini yutgan. Shuningdek, u "Palmeyras" bilan ushbu turnirda ikki marta g‘alaba qozongan.

Felipe "Almeriya", "Fiorentina", "Yuventus", "Inter", "Galatasaroy" va boshqa jamoalardagi o‘yinlari bilan tanilgan. Yarim himoyachi Braziliya terma jamoasi safida 22 ta o‘yin o‘tkazib, 2 ta gol urgan.

"Galatasaroy" bilan Melo ikki marta Turkiya chempioni bo‘ldi va Turkiya kubogini ham qo‘lga kiritdi. Braziliya terma jamoasi bilan 2009 yilgi Konfederasiyalar kubogini qo‘lga kiritdi.