"Manchester Yunayted"ning fikricha, "Bavariya" hujumchisi Matis Tel "qizil iblislar"ga o‘tishga ko‘proq moyil. Bu haqda Teamtalk jurnalistlari xabar bermoqda.
Manbaga ko‘ra, "mankunianliklar" hujumchini ijaraga olishga umid qilishmoqda, "Bavariya" esa to‘liq transferni amalga oshirmoqchi. Agar tomonlar murosa topa olmasa, kelishuv yozgacha qoldiriladi.
Telning bozor qiymati 30 million yevroga baholanmoqda. Tomonlar o‘rtasidagi amaldagi shartnoma 2029 yilning o‘rtalarida tugaydi. Joriy mavsumda hujumchi 14 ta uchrashuvda ishtirok etib, bitta golli uzatmani amalga oshirdi.
