"Манчестер Юнайтед"нинг фикрича, "Бавария" ҳужумчиси Матис Тель "қизил иблислар"га ўтишга кўпроқ мойил. Бу ҳақда Teamtalk журналистлари хабар бермоқда.
Манбага кўра, "манкунианликлар" ҳужумчини ижарага олишга умид қилишмоқда, "Бавария" эса тўлиқ трансферни амалга оширмоқчи. Агар томонлар муроса топа олмаса, келишув ёзгача қолдирилади.
Телнинг бозор қиймати 30 миллион еврога баҳоланмоқда. Томонлар ўртасидаги амалдаги шартнома 2029 йилнинг ўрталарида тугайди. Жорий мавсумда ҳужумчи 14 та учрашувда иштирок этиб, битта голли узатмани амалга оширди.
