"Manchester Yunayted" Alexandro Garnacho jamoada qolganidan mamnun.
Qishki transfer oynasi vaqtida 20 yoshli chap qanot vingeriga bir qancha klublar qiziqish bildirgandi, ammo mankunianliklar uni sotishmadi.
«Manchester Evening News» xabariga ko‘ra, klubning kiyinish xonasida Alexandro Garnachoning sotilishi ehtimoli haqida xavotir paydo bo‘lgan va bu "Manchester Yunayted" muxlislarining noroziligiga sabab bo‘ladi, deb hisoblangan.
Qayd etilishicha, argentinalik uchun mumkin bo‘lgan kelishuvni ijobiy o‘zgarish sifatida tasavvur qilish qiyin.
Garnacho joriy mavsumda Premyer-ligada 23 ta o‘yinda maydonga tushib, 3 ta gol urdi va 1 ta golli uzatmani amalga oshirdi.
