Futbol bo‘yicha Osiyo Elit chempionlar ligasining 7-turi yakunlandi. Ushbu turning so‘nggi ikki o‘yini “Al-Garafa” – “Paxtakor”, “Al-Hilol” – “Persepolis” klublari o‘rtasida o‘tdi.

Qatarda o‘tkazilgan "Al-Garafa" - "Paxtakor" jamoalari bahsi 1:0 hisobida yakunlandi. Uchrashuvdagi yagona gol 39-daqiqada Sassi tomonidan kiritildi. Saudiya Arabistonida o‘tkazilgan "Al-Hilol" hamda "Persepolis" klublari to‘qnashuvida mezbonlar 4:1 hisobida g‘alaba qozondi.

Ushbu tur yakuniga ko‘ra, “Al Hilol” va “Al-Ahli” klubi ochkolarini 19 taga yetkazib olgan holda gollar nisbatiga ko‘ra, 1- va 2- pog‘onadan joy oldi.

Shuningdek, “Al-Nasr” jamoasi 16 ochko bilan uchinchi o‘rinni egalladi. “Al-Sadd” 12, “Al-Vasl” 11, “Al-Rayyan” 8, “Al-Garafa” 7, “Istiqlol” 6 ochko jamg‘arib, kuchli 8 talikka yakun yasab berdi. Garchi “Persepolis”da ham 6 ochko bo‘lsa-da, gollar nisbatiga ko‘ra ushbu jamoa 9-o‘rinda qoldi.

Afsuski, “Paxtakor” kechagi mag‘lubiyatdan so‘ng 4 ochko bilan 11- o‘ringa tushib ketgan bo‘lsa, “Al-SHorta” 3, “Al-Ayn” esa 2 ochko bilan quyi o‘rinlarda qoldi.

Shuni ta’kidlab o‘tish lozimki, umumiy bosqich yakuniga bir tur qolgan bo‘lsa-da, “Al Hilol”, “Al-Ahli”, “Al-Nasr”, “Al-Sadd” va “Al-Vasl” klublari muddatidan avval 1/16 bosqichiga yo‘l oldi.

Endi 17-19 fevral kunlari Osiyo Elit chempionlar ligasining so‘nggi, 9-tur uchrashuvlari bo‘lib o‘tadi. Unda “Paxtakor” – “Al-Sadd”, “Al-SHorta” – “Al-Ayn”, “Persepolis” – “Al-Nasr”, “Al-Ahli” – “Al-Garafa”, “Al-Rayyan” – “Istiqlol”, “Al Hilol” – “Al-Vasl” klublari o‘zaro raqobatlashadi.

Ma’lumot o‘rnida: OCHL bahslarining 8-turida “Paxtakor” o‘z maydonida g‘alaba qozona olsa, shu qatorda “Persepolis” va “Istiqlol” klublari mag‘lubiyatga uchrasa, "sherlar" sakkizinchi o‘rindan joy olishi hamda navbatdagi bosqichga o‘tishi mumkin.