Xavyer Tebas Karlo Anchelottining hakamlik tizimi haqidagi gaplariga javob qaytardi.
Oldinroq La Liga prezidenti "Real Madrid"ning hakamlik borasidagi shikoyatlari kontekstida shunday degan edi: "Ular o‘zlarini qurbon sifatida ko‘rsatishmoqda, bu noo‘rin va haqiqatga to‘g‘ri kelmaydi. Madridliklar raqobatga putur yetkazmoqchi. Ular aqldan ozishdi."
"Real Madrid" bosh murabbiyi Anchelotti Tebasga shunday javob berdi: "U xotirjam bo‘lishi kerak, hech kim aqldan ozmaydi. Tizimda o‘zgarish kerak edi, men eshitganimga ko‘ra, hech kim bundan mamnun emas edi".
“Karlo, xotirjam bo‘l... Ispaniya chempionatida soxtalashtirilgani yo‘q va biz hammamiz hakamlik tizimi yaxshilanishini istaymiz, biz buni anchadan beri talab qilib kelayotgan edik. Lekin qiziqki, hozir juda xavotirda bo‘lgan "Real" 2023 yilning noyabrigacha Ispaniya Qirollik futbol federasiyasi boshqaruv kengashi tarkibiga kirdi... va hatto hech narsa ham demadi.
O‘sha paytda "Negreyra ishi" bir necha oydan beri ma’lum edi, ammo bu vaqt ichida "Real Madrid" telekanali bizni hakamlar haqidagi "ob’ektiv" videolari bilan "hursand qilishda" davom etdi. Nega unda federasiyadan ham, La Ligadan ham takliflar bo‘lmadi?
Egalik modelini o‘zgartirish va La Liganing "ekspropriasiya" deb ataladigan bahona endi ishonarli emas. Balki bu yana bir bahonadir? Chunki biz ba’zi odamlardan shunga o‘xshash nazariyalarni eshitganmiz", deb yozadi La Liga prezidenti.
