Vinisius Junior deyarli Kilian Mbappe kabi maosh olishni boshladi.

The Athletic nashrining ta’kidlashicha, "Real Madrid" vingerining hozirgi maoshi soliqdan keyin yiliga 15 million yevro atrofida. Bunga turli bonus ballarini faollashtirish, jumladan FIFAning yilning eng yaxshi futbolchisi mukofotini olish orqali erishiladi.

Qayd etilishicha, Kilian Mbappe ham yiliga 15 million yevroga yaqin maosh oladi, biroq erkin agent sifatida "Real"ga o‘tganidan so‘ng, fransiyalik futbolchi shartnoma imzolagani uchun katta miqdorda bonus olishga ham haqli.

Madridliklar Vinisiusga shartnomani uzaytirishni taklif qildilar, ammo rad javobini olishdi. Braziliyalik vakillar to‘lovlar uning "dunyodagi eng yaxshilaridan biri sifatidagi maqomini aniqroq aks ettirishini" istamoqda.