Винисиус Жуниор деярли Килиан Мбаппе каби маош олишни бошлади.
The Athletic нашрининг таъкидлашича, "Реал Мадрид" вингерининг ҳозирги маоши солиқдан кейин йилига 15 миллион евро атрофида. Бунга турли бонус балларини фаоллаштириш, жумладан ФИФАнинг йилнинг энг яхши футболчиси мукофотини олиш орқали эришилади.
Қайд этилишича, Килиан Мбаппе ҳам йилига 15 миллион еврога яқин маош олади, бироқ эркин агент сифатида "Реал"га ўтганидан сўнг, франциялик футболчи шартнома имзолагани учун катта миқдорда бонус олишга ҳам ҳақли.
Мадридликлар Винисиусга шартномани узайтиришни таклиф қилдилар, аммо рад жавобини олишди. Бразилиялик вакиллар тўловлар унинг "дунёдаги энг яхшиларидан бири сифатидаги мақомини аниқроқ акс эттиришини" истамоқда.
