Sport jamoatchiligiga yaxshi tanish bo‘lgan shifokor Abror Pirriyev O‘zbekiston futzal federasiyasi tibbiyot departamenti direktori etib tayinlandi.
Asos solinganiga hali ko‘p vaqt bo‘lmagan O‘zbekiston futzal federasiyasi o‘z oldiga ulkan maqsadlarni qo‘ygan. Buning uchun federasiya tizimni tubdan isloh qilish bo‘yicha jadal ishlar olib bormoqda. Jumladan, avvalroq qator yo‘nalishlarda katta tajribaga ega kadrlar federasiyada ish boshlagani xabar qilingandi.
Endilikda federasiyada yangi tibbiyot departamenti direktori ham faoliyatini boshladi.
O‘zbekiston futzal federasiyasi Abror Pirriyevga faoliyatida omad tilab qoladi.













