Ispaniya La Ligasining 23-turidan o‘rin olgan «Real» va «Atletiko» o‘rtasidagi bahs o‘z nihoyasiga yetdi. Jamoalar Madriddagi «Santyago Bernabeu» stadionida o‘ynashdi. Bellashuv 1:1 hisobida durang bilan yakunlandi.

35-daqiqada hakam VAR yordamida "Real" darvozaisga penalti belgiladi. Bu vaziyatda Tchuameni o‘z mjarima maydoni ichida raqib oyog‘ini bosib oldi. "Atletiko" hujumchisi Xulian Alvares penaltidan gol urdi va hisobni ochdi.

"Real" esa 50-daqiqada javob qaytardi – Kilian Mbappe o‘z jamoasi uchun tenglashtiruvchi golni urdi.  

O‘yin oxiriga qadar ustunlik mezbonlar tomonida bo‘lsa-da, ular raqib darvozasiga boshqa yo‘l topa olishmadi.

La Liga turnir jadvalida 23-turdan so‘ng "Real" 50 ochko bilan peshqadamlik qilmoqda. "Atletiko" 49 ochko jamg‘arib, ikkinchi o‘rinni egallab turibdi.  

Kelgusi turda "Real" "Osasuna" bilan to‘qnash kelsa, "Atletiko" "Selta"ni qabul qiladi.

«Real Madrid» - «Atletiko» - 1:1
Yuzaga kelgan ehtimoliy gollar (xG): 1.69 — 1.54
To‘p nazorati: 60% — 40%
Zarbalar: 23 — 10
Aniq zarbalar: 9 — 1
Noaniq zarbalar: 7 — 7
To‘silgan zarbalar: 7 — 2
Golli vaziyatlar: 5 — 2
Burchak zarbalari: 6 — 1
Jarima maydonidan zarba: 11 — 6
Jarima maydoni tashqarisidan zarba: 12 — 4
To‘p ustun/to‘singa tegdi: 1 — 0
Seyvlar: 0 — 8
Jarima zarbalari: 13 — 14
Ofsaydlar: 2 — 1
Qoidabuzarliklar: 14 — 13
Sariq kartochkalar: 1 — 3
To‘pni yon chiziqdan tashlab berish: 16 — 18
Bosh bilan zarba: 32 — 18
Uzatmalar aniqligi: 93% (617/664) — 86% (380/440)
Raqib jarima maydoni yaqinidagi uzatmalar: 90% (241/269) — 70% (63/90)
Yuqoridan uzatmalar: 11% (2/19) — 33% (3/9)
Raqibdan to‘pni olib qo‘yish: 77% (10/13) — 63% (12/19)
To‘pni uzoqlashtirish: 9 — 26
Darvozabon to‘pni egallab olishi: 10 — 9