"Real Madrid" yana bir futbolchisini yo‘qotdi, himoyachi Lukas Vaskes jarohat oldi.
Natijada, Madrid klubi kasalxonasida hozirda besh nafar himoyachi bor.
Ro‘yxat quyidagicha ko‘rinadi: Dani Karvaxal, Eder Militao, David Alaba, Antonio Ryudiger, Lukas Vaskes.
Shanba kuni Madridning “Real” klubi o‘z maydonida “Atletiko”ni mag‘lub eta olmadi, o‘yin 1:1 hisobidagi durang bilan yakunlandi.
Karlo Anchelotti shogirdlari endi Chempionlar ligasi doirasida "Manchester Siti"ga qarshi safar o‘yiniga tayyorgarlik ko‘rmoqda. U 11 fevral, seshanba kuni bo‘lib o‘tadi.
