«RB Leypsig»ning niderlandiyalik yarim himoyachisi Xavi Simons «Manchester Siti»ning diqqat markazida, deb xabar bermoqda El Nacional.

Manbaning ma’lumotiga ko‘ra, ingliz klubi bosh murabbiyi Xosep Gvardiola 21 yoshli futbolchini Kevin De Bryuyne uchun munosib o‘rinbosar deb hisoblamoqda. Germaniya klubi o‘z futbolchisi uchun 100 million yevrodan ortiq summa kutayotgani ta’kidlanmoqda. Yanvar oyida Simons «PSJ»dan «RB Leypsig»ga 80 million yevro evaziga ko‘chib o‘tgan edi.

Shuningdek, Gvardiola yarim himoyada avlodlar almashuvini boshqarib bora oladigan futbolchini izlayotgani va Simons bu vazifaga ideal nomzod ekani aytilmoqda. Uning Bundesligadagi kuchli o‘sishi, texnik mahorati, o‘yinni ko‘ra olish qobiliyati va maydonning so‘nggi uchdan bir qismida vaziyatni o‘zgartirish mahoratlari murabbiyni o‘ziga jalb qilgan.

Garchi Simons yaqindagina sotib olingan bo‘lsa-da, «Leypsig» katta moliyaviy daromad olish imkoniyati tufayli uni sotishga rozi bo‘lishi mumkin.

Joriy mavsumda Xavi Simons klub darajasida 18 ta o‘yin o‘tkazib, 5 ta gol urgan va 4 ta golli uzatma amalga oshirgan. Transfermarkt portali uning bozor qiymatini 80 million yevro deb baholamoqda.

Avvalroq, Kevin De Bryuyne klubini tark etib, Saudiya Arabistoniga yo‘l olishi mumkinligi haqida xabarlar tarqalgan edi.