Qishda jamoaga kelib qo‘shilgan "Aston Villa"ning yangi yulduzi uchun ijara shartnomasi tafsilotlari ma’lum bo‘ldi.
Nufuzli insayder Fabrisio Romanoning ma’lumotlariga ko‘ra, "Aston Villa" va "PSJ" o‘rtasidagi muzokaralar chog‘ida tomonlar Marko Asensioni sotib olish varianti bo‘yicha kelishmagan.
Shu bilan birga, har ikki klub 29 yoshli ispaniyalik yarim himoyachining shu yozda to‘liq transferi bo‘yicha muzokaralar olib borishga ochiqligi qayd etilgan. Hamma narsa futbolchining o‘yiniga bog‘liq bo‘lib, unga faqat shu yilning iyun oyida baho beriladi.
Transfermarkt portali futbolchining bozor narxini 20 million yevroga baholamoqda.













