Madridning "Real" klubi vingeri Vinisius Juniorning agentlari "PSJ" bilan braziliyalik futbolchining Fransiya grandiga o‘tishi borasida norasmiy muzokaralar boshlashdi. Bu haqda jurnalist Sasha Tavalyeriga tayanib, Sport.es xabar berdi.
Manbaga ko‘ra, Vinisius "Qirollik klubi" bilan yangi shartnoma bo‘yicha maoshini oshirish bo‘yicha kelishuvga erisha olmasa, "PSJ"ga o‘tish variantini ko‘rib chiqishi mumkin. Ta’kidlanishicha, bu muzokaralardan 24 yoshli hujumchi jamoasi "Real"ga bosim o‘tkazish uchun foydalanishi mumkin.
Avvalroq OAVda Vinisius "Los-Blankos"ning mehnat shartnomasini uzaytirish haqidagi birinchi taklifini rad etgani haqida xabarlar tarqalgandi. Ta’kidlanishicha, futbolchi hozirda bonuslarni hisobga olgan holda yiliga 15 million yevro ishlab oladi, biroq Vinisius atrofidagilar uning maoshi yuqoriroq bo‘lishi kerak, deb hisoblamoqda.
