"Flamengo" himoyachisi Uesli faoliyatini Ispaniya chempionatida davom ettirishi mumkin. Bu haqda ijtimoiy tarmoqlar orqali insayder Ekrem Konur xabar berdi.
Jurnalistning ma’lum qilishicha, "Barselona" lateral bilan shartnoma imzolashdan manfaatdor. Braziliya tomoni, o‘z navbatida, futbolchi uchun 35-40 million yevro to‘lashsa, u bilan xayrlashishga tayyor.
Avvalroq matbuotda Uesli bilan Sankt-Peterburgning "Zenit" klubi qiziqayotgani haqida xabarlar tarqalgandi.













