"Yuventus" hujumchisi Dushan Vlaxovich faoliyatini Turkiya chempionatida davom ettirishi mumkin.
Serbiyalik forvardga "Fenerbaxche" qiziqish bildirmoqda. Italiya OAVlarining xabar berishicha, Istanbul klubi yanvar oyida "keksa sinyora" futbolchisini o‘z safiga qo‘shib olishga muvaffaqiyatsiz urinib ko‘rgan, ammo bu bilan to‘xtab qolmasa kerak. Muzokaralar yozda qayta boshlanishi mumkin.
Dushan Vlaxovichning "Yuventus" bilan shartnomasi 2026 yilning yarmigacha mo‘ljallangan. Turinliklar asosiy tarkibdagi o‘rnini yo‘qotgan 25 yoshli forvard uchun 30-40 mln yevro so‘ramoqda.













