Pep Gvardiola Erling Xoland "Real" bilan o‘ynashini istisno qilmadi.
Hujumchi APL 25-turidan o‘rin olgan "Nyukasl"ga (4:0) qarshi o‘yinda tizzasidan jarohat oldi.
"U yiqilganida hamma qo‘rqib ketdi. Ammo u jilmaygancha maydonni tark etdi, doktor esa menga hech qanday yomon gap aytmadi, shuning uchun Erlingning ahvoli yaxshi deb umid qilaman.
Men shifokor bilan gaplashmadim. Ehtimol, hammasi u darajada yomon emasdir," - dedi "Manchester Siti" bosh murabbiyi.
"Shaharliklar"ning "Real"ga qarshi javob o‘yini 19 fevral kuni bo‘lib o‘tadi. Dastlabki o‘yin 3:2 hisobida madridliklarning g‘alabasi bilan yakunlandi.
