"Napoli"ning nigeriyalik hujumchisi, ayni damda Istanbulning "Galatasaroy" klubida ijara asosida to‘p tepayotgan Viktor Osimxen Angliya chempionatida o‘ynash imkoniyatiga ega.
TeamTalk xabariga ko‘ra, 26 yoshli to‘purarni "Manchester Yunayted" o‘z safiga qo‘shib olmoqchi. Ammo bu transferga nigeriyalikning ambisiyalari to‘sqinlik qilmoqda. Osimxen Chempionlar Ligasida o‘ynashni va yuqori maosh olishni xohlaydi.
Viktor joriy mavsum "Galatasaroy" safida 24 ta o‘yin o‘tkazdi. Hujumchi o‘z hisobiga 19 ta gol va beshta golli uzatmani yozdirib qo‘ydi.













