"Наполи"нинг нигериялик ҳужумчиси, айни дамда Истанбулнинг "Галатасарой" клубида ижара асосида тўп тепаётган Виктор Осимхен Англия чемпионатида ўйнаш имкониятига эга.
TeamTalk хабарига кўра, 26 ёшли тўпурарни "Манчестер Юнайтед" ўз сафига қўшиб олмоқчи. Аммо бу трансферга нигерияликнинг амбициялари тўсқинлик қилмоқда. Осимхен Чемпионлар Лигасида ўйнашни ва юқори маош олишни хоҳлайди.
Виктор жорий мавсум "Галатасарой" сафида 24 та ўйин ўтказди. Ҳужумчи ўз ҳисобига 19 та гол ва бешта голли узатмани ёздириб қўйди.













