"Manchester Siti" himoyachisi Natan Ake "Liverpul"ga qarshi bo‘lib o‘tadigan APL o‘yini oldidan o‘z fikrlari bilan o‘rtoqlashdi.
23 fevral, yakshanba kuni “shaharliklar” o‘z uyida “qizillar”ni qabul qiladi. Ayni damda amaldagi chempionlar 44 ochko bilan turnir jadvalining to‘rtinchi pog‘onasida joylashgan bo‘lsa, Arne Slot shogirdlari 61 ochko bilan ishonchli tarzda peshqadamlik qilmoqda.
"Biz hali ham "Liverpul"ni mag‘lub etishimizga ishonishimiz kerak. Biz asosiy o‘yinlarda o‘z oldimizga qo‘ygan maqsadlarga erishdik - bu mavsumda bir necha bor shunday bo‘ldi.
Biz mavsumning ko‘p qismida qoqildik, ammo hozir qila oladigan yagona narsa - oldinga qarab o‘yinga ishonch bilan yondashish", - deya Akening so‘zlarini keltiradi City Xtra.
