"Barselona" yarim himoyachisi Dani Olmo "Las-Palmas"ga (2:0) qarshi o‘yindagi harakatlari uchun e’tirof etildi.
26 yoshli futbolchi ikkinchi bo‘lim boshlanishidan oldin maydonga tushdi. Ispaniyalik futbolchi "ko‘k-anorranglilar"ga g‘alaba keltirdi - u 62-daqiqada hisobni ochdi. Aynan Olmo yakunda uchrashuvning eng yaxshi futbolchisi sovrinini qo‘lga kiritdi. Hujumkor yarim himoyachi nafaqat gol urdi, balki oltita duelda beshtasida g‘alaba qozondi. Olmoning ahamiyatini hatto "Las-Palmas" himoyachisi Aleks Suares ham e’tirof etdi.
"Barselona" La Liganing 25-turidan keyin 54 ochko jamg‘ardi. Xans-Diter Flik jamoasi "Atletiko" (53) va "Real"ni (51) ortda qoldirib, peshqadamlik qilmoqda. Darvoqe, "qaymoqranglilar" bir o‘yin kamroq o‘tkazishgan.
