"Барселона" ярим ҳимоячиси Дани Ольмо "Лас-Пальмас"га (2:0) қарши ўйиндаги ҳаракатлари учун эътироф этилди.
26 ёшли футболчи иккинчи бўлим бошланишидан олдин майдонга тушди. Испаниялик футболчи "кўк-анорранглилар"га ғалаба келтирди - у 62-дақиқада ҳисобни очди. Айнан Ольмо якунда учрашувнинг энг яхши футболчиси совринини қўлга киритди. Ҳужумкор ярим ҳимоячи нафақат гол урди, балки олтита дуэлда бештасида ғалаба қозонди. Ольмонинг аҳамиятини ҳатто "Лас-Пальмас" ҳимоячиси Алекс Суарес ҳам эътироф этди.
"Барселона" Ла Лиганинг 25-туридан кейин 54 очко жамғарди. Ханс-Дитер Флик жамоаси "Атлетико" (53) ва "Реал"ни (51) ортда қолдириб, пешқадамлик қилмоқда. Дарвоқе, "қаймоқранглилар" бир ўйин камроқ ўтказишган.
