Madridning "Real" klubida yozgi transfer oynasidagi ustuvor maqsad bo‘yicha qaror qabul qilindi.
"Qaymoqranglilar"ning bozordagi asosiy vazifasi "Liverpul"ning o‘ng qanot himoyachisi Trent Aleksandr-Arnoldni o‘z safiga qo‘shib olishdir, deb yozadi insayder Fabrisio Romano. Angliyalik futbolchining shartnomasi joriy mavsum yakunlangach o‘z nihoyasiga yetadi, shu bois uni erkin agent sifatida qo‘lga kiritish mumkin bo‘ladi. "Qizillar"ning yulduzli tarbiyalanuvchisi o‘tgan yilning bahoridan buyon La Liga grandining nishoni bo‘lib kelmoqda.
"Liverpul" hamon Aleksandr-Arnold bilan yangi shartnoma imzolashga umid qilmoqda. 26 yoshli futbolchi butun faoliyati davomida o‘zi uchun qadrdon bo‘lgan klub sharafini himoya qilib kelmoqda.
