Мадриднинг "Реал" клубида ёзги трансфер ойнасидаги устувор мақсад бўйича қарор қабул қилинди.

"Қаймоқранглилар"нинг бозордаги асосий вазифаси "Ливерпуль"нинг ўнг қанот ҳимоячиси Трент Александр-Арнольдни ўз сафига қўшиб олишдир, деб ёзади инсайдер Фабрицио Романо. Англиялик футболчининг шартномаси жорий мавсум якунлангач ўз ниҳоясига етади, шу боис уни эркин агент сифатида қўлга киритиш мумкин бўлади. "Қизиллар"нинг юлдузли тарбияланувчиси ўтган йилнинг баҳоридан буён Ла Лига грандининг нишони бўлиб келмоқда.

"Ливерпуль" ҳамон Александр-Арнольд билан янги шартнома имзолашга умид қилмоқда. 26 ёшли футболчи бутун фаолияти давомида ўзи учун қадрдон бўлган клуб шарафини ҳимоя қилиб келмоқда.