"Aston Villa" bosh murabbiyi Unai Emeri "Chelsi"ga (2:1) qarshi bahsda Markus Reshfordning o‘yinidan olgan taassurotlari bilan o‘rtoqlashdi.
"Manchester Yunayted"dan ijaraga olingan angliyalik hujumchi shanba kuni bo‘lib o‘tgan Premyer-liga doirasidagi "Chelsi"ga qarshi o‘yinning qahramonlaridan biriga aylandi va ikkita golli uzatmani amalga oshirdi.
"Reshford ajoyib edi. Endi biz uning barqarorlikka erishishini istaymiz. Markus jamoamizda o‘zini qulay his qilishi uchun uni qo‘llab-quvvatlamoqchimiz. Unga ishonch hosil qilmoq uchun yordam berishga harakat qilamiz. U allaqachon jarayonda, biz bunga erisha olamiz," - deya Emerining o‘yindan keyingi intervyusidan iqtibos keltiradi "Gazeta.Ru."
