Aleksandr Cheferin nima uchun UYEFA Rossiya U17 yoshlarini futbolga qaytara olmaganini tushuntirdi.
- UYEFA Rossiya U17 terma jamoalarini o‘z musobaqalariga qaytarishga harakat qildi. Nega bu ish bermadi?
- Bu yaxshi savol. Birinchidan, bu bolalar saylovda qatnashmaydi, hech qanday hukumatni qo‘llab-quvvatlamaydi, chunki ular voyaga yetmaganlar. Eng muhimi, ular, albatta, Yevropaning boshqa qismlaridan kelgan bolalarga nisbatan nafrat va qo‘rquv muhitida tarbiyalanmoqda.
Rus bola, aytaylik, Sloveniyaga kelib, sloveniyalik bolani quchoqlaganda, u biz dushman emasligimizni va hayot davom etishi kerakligini tushunadi.
- Nimadir noto‘g‘ri ketdimi?
– Bizning taklifimiz asosiy siyosatchilar, ayniqsa chap qanotlar tomonidan qattiq tanqid qilindi; Federasiya prezidentlaridan biri hatto iste’foga chiqishga majbur bo‘ldi. Ommaviy axborot vositalari UYEFAga hujum qila boshladi va hamma "Biz bu g‘oyani qo‘llab-quvvatlagan bo‘lardik, lekin hukumatlar bizga ruxsat bermaydi", deb o‘z fikridan qaytdi. Darhaqiqat, ular bolalarning muloqot qilishiga ruxsat berishmadi.
Siyosat o‘z manfaatlaridan kelib chiqib, nafrat va murosasizlikni tug‘diradi va bir vaqtning o‘zida ularga qarshi turadi. Irqchilikka qarshi chiqqanlar eng katta irqchilardir. Diskriminasiyaga qarshi kurashda eng tajovuzkor bo‘lib ko‘rinadiganlar, hech kimga boshqa nuqtai nazarni bildirishga imkon bermaydiganlar, kamsitilganlarga eng ko‘p zarar keltiradiganlardir.
Asosiy siyosatning bu tajovuzkor harakatlaridan so‘ng biz hozir ko‘rayotgan narsa o‘ng qanot partiyalarining g‘alabasidir va aynan diskriminasiyaga uchraganlarning ahvoli yomonroq bo‘ladi" - dedi UYEFA prezidenti Delo.si nashriga bergan intervyusida.
