"Real Madrid" muxlislari RFEF faoliyatidan noroziligini bildirishdi.
Madridning "Santyago Bernabeu"da "Jirona"ga qarshi o‘yini oldidan muxlislar "Federasiyada korrupsiya!" deb hayqirishdi.
O‘yinchilar "Hakamni hurmat qiling, futbolni hurmat qiling" yozuvi ostidagi banner qarshisida jamoaviy suratga tushish uchun saf tortganda ham yig‘ilganlar hushtakbozlik qilishdi.
Muxlislar o‘yinning 12 daqiqasidan so‘ng avvaldan e’lon qilingan harakatni amalga oshirishdi. Ular Ispaniya Qirollik futbol federasiyasidagi (RFEF) korrupsiya haqida yana hayqira boshladilar.
