"Manchester Siti" vingeri Jeremi Doku "Liverpul"ga qarshi mag‘lubiyatdan so‘ng o‘z fikrlarini bildirib o‘tdi.
"Shaharliklar" o‘z maydonida "qizillar"ga 0:2 hisobida imkoniyatni boy berdi.
"Bu uchrashuvda bizda ko‘plab vaziyatlar bo‘ldi, biroq ikkinchi goldan keyin raqib juda chuqur himoyaga yotdi. Bizga qiyin bo‘ldi. Shu bilan birga, "Liverpul" bizdan yaxshiroq edi, deb o‘ylamayman. Ha, ular g‘alaba qozonishdi, ammo biz ham ulardan kam o‘ynamadik," - deya belgiyalik futbolchining so‘zlarini keltiradi "shaharliklar" matbuot xizmati.
